İron boçi triqqeri mexanizmi çe huğuği leqitimətiku məhrum hisob kardedə?

İroni xarici koon vəzir Seyd Əbbos Ərağçi bə İMT sər katibi unvon kardə nomədə təkidış kardə:AİŞ və Avropa Troyka çe Əmniyyət Şura bə İroni zidd navnə ğətnoməon bərpo kardero şodə qəmi hiç qıləy huğuği və siyosi əsosış ni və Tehroni tərəfiku rədd kardey beydə.

İroni xarici koon vəzir Seyd Əbbos Ərağçi bə İMT sər katibi unvon kardə nomədə təkidış kardə:AİŞ və Avropa Troyka çe Əmniyyət Şura bə İroni zidd navnə ğətnoməon bərpo kardero şodə qəmi hiç qıləy huğuği və siyosi əsosış ni və Tehroni tərəfiku rədd kardey beydə.

Ərağçi bə İMT sər katib Antoniyo Quterreşi unvon kardə məktubədə votey beydə:AİŞ,Fransa,İnqiliston və Almaniya bo Əmniyyət Şura navnə  qətnamələrini ğətnoməon bərpo kardero şodə qəmi hiç qıləy huğuği və siyosi əsosış ni və İron İslom Respublika ımi bə beynəlxalğə prinsip və standarton zidd hisob kardedə.

İroni xarici koon vəzir Ərağçi bə İMT sər katibi nıvıştə nomədə omə:Avropa seqlə kişfəri bə dumo oqordıney mexanizm votə bıə prosesi bino kardey huğuği və prosedur cəhətiku ğusurine və əve həm ğəbul bıənin ni.

Ərağçi təkidış kardə:çəvon de bə dumo oqordıney mexanizmi muraciyət kardey çe prosesiku ojə-oşkoə şikilədə suyi-istifodə kardeye.İroni xarici koon vəziri bın monədə bəyonış kardə:2231 ədədinə ğətnomə 11-ə əməliyyoti bənd,Əmniyyət Şura bəpe “aidiyyoti kişfəron fiki nəzədə bıqəto”.de təəssıfi ğeyd kardey lozımeki,AHMFP-i diqər uzvon,yəni bə İron,Çin və Rusiya Federasiya dəğiğə mevğeyon rəğmən,Şura sədri çe ğətnomə loyihəş bə sədo doey bekardəşe.

Məktubədə təkid kardey bıə:Çoko ki,çe Çin,İron və Rusiya xarici koon vəziron 28 avqust 2025-ə sori torixinə mıştərəkə məktubədə təkidış kardey bıə,Əmniyyət Şura bə Avropa kişfəri ğusurinə eloni əsosəda hərəkət kardey əzıni.bə 2231 rəğəminə ğətnomə zidd bıə har qıləy hərəkət bo bə İbıə Milləton Təşkiloti uzv devləton huğuği ehdəmon icod kardey əzıni.

İron İslom Respublika prezdent Məsud Pezeşkiyan de İMT sər katibi bıə didoədə votəşe:İroni ıştə ehdəmonon bə vırə rosney və bə və Rusiya iyən Çini mığoviməti rəğmən,snapbək və sanksiyaon bərpo kardey beəxloğəti iyən ğeyri-ğanuniye.Triqqeri mexanizm çe İMT Əmniyyət Şura 2015-ə sori AHMFP-i nuvə sazişi imzo kardey bədiqə ğəbul kardə bıə 2231 ədədinə Ğətnomə hissəy.

İron İslom Respublika “triqqeri mexanizmi” huğuği və siyosi cəhəto beetıbo hisob kardedə.İron jıqo hisob kardedə ki,İbıə Ştaton 2018-ə sori  sazişiku rəsmən xaric bey bədiqə həni çe AHMFP-i tərəf ni və bəçəy xoto həm çe mığovilə çərçivədə mexanizmonku,ə cumlə həm snapbakiku istifodə kardey həxış ni.İron iddiyo kardedə ki,Avropa kişfəron həm bəştə AHMFP-i sahədə bıə ehdəmonon əməl kardəşon ni.əve əvon İroni ın sazişi darışteyədə ittihom və triqqeri mexanizmi bə ko dənoey əzınin.