New York Times"çe İroni xalği şoyvonətiku bə şok dəşe!

Ğərb çandə sorone İroni mərdumi şoyvonəti nəzədə qəteydəni və ımruj İronədə hevujə surətədə bıə konserton bənə mədəni realəti ne,bəlkəm bənə qıləy siyosi etırozi təğdım kardedə.

Çandə sorone çe İroni milləti noumuəti və depressiya həxədə xəbəon pevolo kardə Ğərbi medya,bəikkərə çe İroni xalği şoyvonəti təğdım kardə holədə,ımi bənə İroni cəmyəti realəti ne,bəlkəm bənə qıləy siyosi etırozi formə təğdım kardedə.

Bə "Pars Tudey" doə məlumoti əsos,"New York Times" qəzet 1 dekabrədə bə İronədə veyədədinə konserton bərpo bey işorə kardə holədə ımış İronədə qıləy nuyə fenomen bey bəyon kardə qıləy məğoləş dərc kardə;ıştə titrədə de təəccıbi sıvolış kardə:"Aya ım,İrone?".Holınki İroni mədəniyyətədə musiği əsron dırozi milli və dini idonədə və ritualonədə dayimiyə vırəş qətə.

Hətto çe konserton məsələdə həm,ım fəğət çe Ğərbi termin və uslub həm bıbu,İronədə çandə da sorone konserton bərpo beydə və bəştə məxsus pərəstışkoronış heste.Nuyə konserti tərz 8 sornə muharibə orəxey bədiqə(Həşi 1368-ə sori) bino be və veyə muğənniyon ıştə fəoliyyətonışon çe konserti şikilədə binoşon karde.Bın holədə canqi bədiqə İronədə iminə konserton doə Mehrdad Kazımi,Daryuş Xacə Nuri və Xəşayar Etemadi ğeyd kardey bəbe və çəvon konserton çe xalği tərəfiku çok ğəbul kardey be.

Popi musiği həm Həşi 1370-ə soronədə bə İroni konserton daxil be.Həşi 1370-ə və 1380-ə soronədə bənə qıləy səbki soybə muğənniyonku qıləyni zıniyə bıə və de Fuad Hicozi həmkotəiyədə ovandə əsəron ofəyə Əlirıza Əssar bın soronədə konserton dəvordıney sahədə rekordçiyonku qıləyniye.Əv,ıştə iminə konsertış Şəhid Behişti Unversiteti Əbu Reyhan zalədəş bərpo karde və 1970-ə soronədə dumoyande 28 konsert dəvordınə holədə konserton bərpo kardey sahədə bə rekordçiyon siyohi daxil be.Bın torıxi faktədə dığğəti cəlb kardə məğam,de New York Times qəzeti şoyvonətiyon məçitonədə məhdud bey iddiyo ziddiyyəte.İroni ziyodə musiği festivalon həmişə iştimoyi vıronədə,mıxtəlifə milli və dini tədbironədə bərpo bıə. İroni Nəvuzə id mıxtəlifə formaonədə və çe İroni mıxtəlifə vıronədə ğeyd kardey və musiği həmməysə yodomandə anonku qıləyni bıə.

Əmmo,"New York Times" qəzet çe İroni diqər şəhronədə bə konserton icozə doey iddiyo kardedə.Ehsan Xacə Əmiri ıştə iminə ovandətiyonış 20 sor bənav Kişədə dəvordınə konsertədə bəl dastış vardə.Həşi 1390-ə soron surprizon miyono Həşi 1396-ə sori Ordibeheştə manqədə dumoyande 4 şəv,8 sessiya bə səhnə beşə və kamə muğənniyon noyil bıə qıləy çi noyil bıə Muhsin Yeqanə ğeyd kardey bəbe.Bəpe bə "New York Times" qəzeti ənıvışton ğeyd kardey lozıme ki,ım ironıjə muğənniyon konsertonku qıləyni AiŞ-ədə "Microsoft" Korporasiya dıjdə zalədə bərpo kardey bıə və çandə həzo ironıjə amerkəvıj bə salon cəlb kardey bıə.Məqər AİŞ-də bıə ironıjon həm qıləy konsertışon vində nıbe ki,ironədə jiyə xanəndə ifo jıqo təşviğ bıkon?.

Əmmo İronədə bıə musiği,Sənəndəc şəhri çe YUNESKO tərəfiku bənə Kreyativə Musiği Şəhri ğeyd kardey kifoyəte.Aya ım bə sosyal etırozon həm mıtobiğ omeydə? İronıjon həmişə qıləy hərəbaxtə millət bıən,bə nəciməsənəti və musiği qıləy həvəsışon nışon doə və ım,çəvon mədəniyyəti iqlə hissəy.Lakin ğərbıvıjon çe ironıjon xoşbəxtəti vindey və ya çəvon hərəbaxtəti həxədə məlumot doey npiyey çəvon bə İroni əleyh siyosətiku bənav omeydə.Imruj Ğərbi medya pevolo kardə qırd mənfi təsviron bədiqə,de ironıjon hərəbaxtə həyoti realəti dimbədim omə New York Timesi ənıvışt təsodufən və ya çe ğəsdo ımi çe İroni milləti hərəbaxtə mədəniyyət ne,bənə etıroz reaksiya şərh kardey səy kardedə.Pars Tudey dınyo har vırədə bıə həmkoon dəvət kardedə ta çe İroni xalği qırd ım bəyjiyətiku qıləy nəfəs seyro oxonə da soronədə sori mıxtəlifə vaxtonədə İroni mərdumi şoyvonətiyon arxiv kardə bıə filmon təğib bıkon.