X sosyal şəbəkə İronıjə istifodəçiyon | şəhid Suleymani ro dəvomış heste

Pars Tudey- təğribən dınyodə de terrorizm mıborizə barə komandir Sərdor Ğasim Suleymani şəhodətiku 6 sor dəvardedə və İronıjə X sosyal şəbəkə istifodəçiyon jəğo çəy mıborizəon iyən nıtarsətion və ğeyrətmandi qiromi qəteydən.

2026 minə sori yanvarə manqi 3 minə ruj, dınyodə de terrorizm mıborizə barə İronıjə komandir Sərdor Suleymani şəhodəti sorəqardış be. əv de 9 nəfər co qıləy dəy icobıə kəson, 2020 minə sori yanvarə manqi 3 minə rujədə İraği Bəğdad şəhri ayrportədə de Amerkə terrorist və tacavuzkorə ğıvvon vositə, aviya hucumonədə bə şəhodət rəsin. De həminə mınosibəti X sosyal şəbəkə İronıjə istifodəçiyon bə Sərdor Suleymani şəhodəti əyyomi və beşin və dıştə mesajon çəy yod və xotirəşon qiromi qəte.

X sosyal şəbəkə fəol “Yusif Şəmsədini” bə şəhid Suleymani təğva və ixlos işorəş karde və nıvıştışe: Sərdor Hoci Ğasim Suleymani nibəznemon de qıləy cumlə vəsf karde, əy bəpe təğva və ixlosi prensibədə pəydo karde, əvırədə ki, har məğam və mənsəbisə ve, Xıdo rizoyət hədəf be, nə inki, vində bıbu ya məşhur bıbu, ya cəm əy təsdiğ bıkən.

İyən co qılə istifodəçi de “Muhəmməd Cəvad” nomi nıvıştışe: Sərdor Suleymani nıtarsəti, bıe və nıbe miyono sərhədış məno karde.

Əv nışonış do ki, hətto şey bə peştəhəm, bəbe ilaham əbaxş bıə və mığovimət roş ruşin oqətışe.

Co qılə İronıjə istifodəçi de “Hoci Mehrdad” həm Sərdor Suleymaniş Beynəl-Xəlğə səviyədə Mığviməti həmysə barzə simvol vəsfış karde. əv nıvıştışe: Huci Ğasim Suleymani, İron iyən dınyoədə mığoviməti Sərdor be.

X sosyal şəbəkə fəol de “Xanım Mim” həm bo əmmə nəslon Sərdor Suleymani fidokorəti iyən nıtarsətiş mislış nıbə ulqu zınişe.

Co qılə İronıjə istifodəçi de “Muhsen Divani” bə Sərdor Suleymani əxloğ iyən fiki bəji be işorəş karde və nıvıştışe: Sərdor Suleymani əxloğ və fik jəğ bəjiye və İronıjə nevcıvonon iyən hırdənon dılədə cari bəmande.

Co qılə istifodəçi de Simorğ nomi nıvıştışe: Sərdor Suleymani ro jəğo dəvomış heste.

Co qılə istifodəçi həm de “Hənonə Bano” nomi həm bə dınyo həmmə məzlumon işorəş karde və nıvıştışe: Sərdor Suleymani qıləy pıə be ki, çəy dıl bo dınyo həmmə məzlumon jedə. In eşği hevujəti çəy dərse.