Aya ironıjə jenon çe İslomi İnğılobi səbarzəti bəpeştə mıxtəlifə səhnəonədə dəvəşən?

Pars Tudey-Medya sahədə qıləy eksperti votəşe:İronədə jenon çe İslomi İnğılobi səbarzəti bəpeştə de qıləy mislış nıbə surəti,çe elmi,iştimoyi iyən fərhənqi ruşdədə hərəkətışon kardə.

Bə Pars Tudey doə məlumoti əsos,medya sahədə ekspert bıə Əhməd Nəzərpuri votəşe:Bə Ğərbi informasiyə vositəon əks,jenon çe İslomi İnğılobi səbarzəti bəpeştə de qıləy mislış nıbə surəti,çe elmi,iştimoyi iyən fərhənqi ruşdədə hərəkətışon kardə iyən ın noiliyyəton inkor kardənin ni.

Nəzərpuri çe İslomi İnğılobi səbarzəti bəpeştə çe İronıjə jenon vəzyəti barədə de bə beynəlxalğə statistikəon işorə kardə holədə əlovəş kardə:Imruj İroni tibbi tələbəon 70 fayiz iyən umumi tələbəon 60 fayizi jenon təşkil doydən.

In medya sahədə bıə eksperti təkidış kardə:İronıjə jenon muhəndisəti elmonədə səhm bə 70 fayizi rəsə və İron çe jenon təhsili ruşdədə dınyoədə iminə məğamış bə dast vardə.

Əy təkidış kardə ki,İronədə jenon besəvodəti çe İslomi İnğılobi səbarzəti bənav təğribən çe 60 fayiziku bə 10 fayizisə bəkami rəsə ki,ım həm çın devrə muhimmə hodisəonkuye.

Nəzərpuri həmçinin çe jenon bə jimoni umu çe 54 sinniku bə 78 rəsey,çe jenə treneron rəğəmon çe 9 nəfəriku bə 35 həzo nəfəri ozavziye,jenon varzışi sahəon inkişof çe 7 qılə banunonku bə 38 sahə və elmi unverstetonədə çe jenon məğami çe 14 fayiziku bə 30 fayizi rosney,çe İslomi İnğılobi sayədə ironıjə jenon mislış nıbə navşemoni nımunəonku zıney bəbe.