Davos 2026 və trampi devronədə amerkə behroni oşkoə nımoyiş
Pars Tudey-Davosi İxtisodi Assambleya iclosədə amerkə prezdenti dıroz iyən ziddiyyətinə leksiya,nəyin ki,çe ğərbi vəhdəti kollapsi barədə norohətçətiyonış bəkam nıkarde,bəlkəm ın niqəronətiyonış ziyod həm kardə.
Amerkə prezdent donald tramp Davosi İxtisodi Assambleya iclosədə bıə ıştə sıxanonədə,avropəş de amerkəku suyi-istifodə karde mıttəhəmış karde,de Qrinlandiyə təsərrıfi plani mıxolifətiku təəccıbış karde iyən çe avropə lideronış bə miqrasiyə və ixtisodi siyosəti dəlili xoto de şiddəti tənğıdış karde.
Bə Pars Tudey bə Mehr Xəbə Aqentəti istinodən doə məlumoti əsos,çe trampi ritorikə hucumon miyono,lıski oroməti icod kardə yeqanə cumlə,çe trampi bo Qrinlandiyə təsərrıfiro çe zuyku istifodə nıkardey elon kardey be. qıləy mevğey ki,de ziddiyyətinə fəzo pur bıə Transatlantik rabitəonədə bo Avropə kali rəsmiyon bənə qıləy məhdudə ruşnətıkə təfsir kardey be.
Çandə saati bədiqə trampi elonış kardə ki,de NATO sərkatibi çe Qrinlandiyə barədə bə “bo qıləy ayəndə sazışiro çərçivə” rəsə və felən bə Avropə ələyh nuyə taarifon tətbiği təhdidış bə kəno noə.əv,ıştə sosyal şəbəkədə çın ehtımoliyə sazışi ziyodə detalon nışon nıdoə holədə,əvış ”Bo amerkə iyən bo NATO həmmə uzvon əlo” xaraktirizəş kardə.əmmo çe trampi Davosi iclosədə bıə sıxanonədə əsosə nuktəon komonin?.
1-Qrinlandiyə:hərbi varyanti peqətey,siyosi təzyiği dəvom
Trampi votəşe ki,çe zuyku oko nibədoe.bo iminə kərə bə Qrinlandiyə ələyh hərbi hərəkəti ehtımolış bə kəno noə.qıləy mevzu ki,tosə çəy bənav çe Sıpiyə Kə tərəfiku rədd bıə nıbe.de ın holi əv,ikərə həm bəsə Qrinlandiyəsə bıə”komilə malikyyəti”peyo təkidış kardə iyən çəşnaviş doə:”Şımə ne votey bəzıniyon,əmmo əmə ıştə viro bekardənimon”.qıləy cumlə ki,çe mışohidəçiyon nəzəku qıləy təhdidomizə tonış heste.
2-Cəncolinə torıxi rəvoyət iyən Danimarkə tənğıd
Tramp ıştə iddiyo mıdofiyədə,bə Dıminə Dınyo Canqi işorəş kardə və Danimarkəş “nonkuş” zınə.əv,iddiyoş kardə ki,Danimarkə çe Almaniyə vədə fəğət 6 saat mığovimətış nışon doey zınə iyən amerkə məcbur be mıdoxiləko.ın təyoniti rəvoyət de hovujə reaksiyə dimbədim omə iyən bənə qıləy ğeyri-addiyə ərazi tələbi bəhonə vardero zıney be.
3-Tənğıdon dovnə hovuj kardey iyən mıttəfiğon təhğır
Tramp ıştə sıxanon dəvomədə İsveçrəş həm hədəf ğərol doə iyən votəşe ki,ın kişfər”fəğət bə amerkə xoto çoke”.əv bəştə şəxsi dılxorəti xoto bə İsveçrə ələyh tərifəon ziyodətiku sıxanış votə.Fransa,Kanada iyən hətto çe amerkə kali daxili simon həm çəy həmləonku benəsib mandənin.çəy çe miqranton barədə bıə sıxanon həm de saloni sanqinə sukuti mışoyiət bıə.
4-İştirkoəkəyon sardə reaksiyə və çəş kardənin nıbə oxo
De leksiyə dırozəti iyən hucumon şiddət pəydo kardey,çe saloni fəzo sard və sanqin be.İştirkoəkəyon bəzi qıləyni çe Qrinlandiyə mevzuku bəhs kardeyədə salonışon tərk karde.tramp həm ıştə sıxanon mıəyyənə formədə cəm nıkardə holədə,de “peşo bəvindemon” kəlməş bə oxo rosnə.
5-Trampi çe avropəku nışon doə təsvir
Tramp ıştə sıxanon oxonə baxşədə,Avropəş bənə “məlum kardey nıbə” ğitəş tevsif karde iyən miqrasiyə və ixtisodi siyosətış çın vəzyəti amilış zınə.əv çe vistminə əsri canqon bə yod vardə holədə,ijən həm Avropəş təhğır kardə və təkidış kardə ki,dınyo çe amerkəku bəşıkrəy,əmmo“şımə çəy ğədri zıneydəniyon”.qıləy mevğey ki,çəy bə beynəlxalğə rabitəon bıə sultəqərə nəzəş həni həm barzış kardə.
Tramp bın nıtğədə nəyinki,bo ixtilofon kam kardero cəhdış nıkarde,bəlkəm de qıləy təhğıramiz,təhdidin iyən qahi zəmon de torıxi təhrifi omuj bıə ədəbiyyoti,əmələn iyən praktiki surətədə ın ixtilofonış həni həm nığılış karde.
