İronıjə jenə tədğiğotçi COMSTECH 2025 tədğiğoti qrantış kəsb kardə

İronıjə jenə tədğiğotçi 2025-ə sorədə COMSTECH Cıvonə Jenə Tədğiğotçiyon Tədğiğoti Qrant Proqrami ğalibonku qıləyni səçın kardey be.

COMSTECH Tədğiğot Qranti İslomi Kişfəron Elmi və Texnoloji Həmkoəti sahədə Dayimi Komitə tərəfiku bə həyot dəvordıney beydə və cıvonə jenə tədğiğotçiyon dastək doey və İslomi Həmkoəti Təşkiloti sahədə kişfəron miyono de elmi həmkoəti inkişof doey məğsədi dəvordıney beydə.

Bə Pars Tudey doə məlumoti əsos,İronıjə jenə tədğiğotçi və səhiyyə və tibbi sahədə bıə bə elmi əsos bıə qıləy şirkəti sər direktor Dr.Mariya Beyhəği 2025-ə sorədə COMSTECH Cıvonə Jenə Tədğiğotçiyon Tədğiğoti Qrant Proqrami ğalibonku qıləyni vıjniyə be.

Dr.Beyhəği ıştə tədğiğoti noiliyyəton həxədə votedə:Əmə Alzheimer noxəsəti navi qətey və mıolicə kardero hozzı kardə nanotexnoloqiya sahədə məhsulon istehsolımon kardə.In əlovəon sıftə çe vəncin və konfeti şikilədə təklif kardey beydəbe,peşo həm bo sinninə insonon rohətəti xoto şərbəti şikilədə istehsol kardey beydəbe.

Əv izoh kardedə:In damon bənə "fenukl" və "kversetin"-i bıə təbiyi nanopartikulon əsose.In tərkibon,ə cumlə həm APP və MAPT-i qenon fəoliyyəti bəkam kardeyədə və ya əsəbi huceyrəon məhf kardeyədə rol ifo kardə bənə beta-amiloid və tau bıə zərərinə zulolon istehsoli navi qəteydə.

İronıjə tədğiğotçi əlovəş kardə:In əlovə Alzheimer noxəşəti navi qəteyədə və mualicədə təsirin bey kəno, iltihobı bəkam beyədə,xuni şəkə idorədə,immunitet sistemi zumand kardeyədə və bəzi xərçənqi noxəşətiyon nevon navi qəteyədə həm təsirine.Əv,Alzheimer noxəşətiku əziyyət kəşə 30 noxəşi peyo bardə bıə klinikə testədə nevroloji rəftorədə və hani keyfiyyətədə əhəmiyyətinə dərəcədə çokəti mışohidə kardeyış votə.Nəticəon həmçinin Parkinson noxəşətiyədə dasti larzey bəkam beyış nışon doə.

Beyhəği istehsol bıə əlovə dəmonon çe həkimon tərəfiku təyin bıə damonon bəico ğəbul kardey və bo Alzheimer noxəşəti mıolicəro effektivəti ziyod kardeyış təkid kardə.