40rujə canqi nəticəon

Bə İron çı Amerkə təcavuzi nəticəon çoknə be? Kom tərəf dəboxtə?

Çı amerkə iyən israyili bə İroni ələyh təcovuzi çıl rujnə canqi iyən çe İroni bə ın təcovuzi doə ğətiyyətinə cəvobi bo təcovuzkoron min cumlə bo amerkə muhimmə xəsorətonışon bıə.ziyodə analitikon çe amerkə daxil iyən xaricədə bın bovədə bin ki,bə İroni ələyh canq çe amerkə dıjdə hərbi məğlubiy-yətonkuye.zira əv,bəştə əsliyə hədəf yəni bə İroni siyosi nizomi peqordıney dast pəydo kardeyku nokom mandə,bəlkəm bo ın kişfəri veyə yavə nəticəonış həm bıə.çın yavə nəticəonku muhimmə qıləyni çe amerkə bə İroni ələyh hərbi hərəkət iyən İroni çe Hormozi tanqə qeopolitikə mevğeyku istifodə kardey,çe İroni dınyo ixtisodiyyoti peyo bıə nufuzi ziyod səbəb be.Həyğətədə,çe tanqəku İroni qıləy bəhrə bardey barədə çe trampi sodə fik kardey iyən əndişə ğabiliyyəti nıbey,boyis be ki,dınyo ixtisodiyyot mıxtəlifə sektoronədə məxsusən enerji sahəonədə çe təzyiği jiyədə ğərolış qəte iyən hətto çe amerkə avropəvıjə mıttəfiğon həm nəyinki,bə İroni ələyh canqi omuj nıqınin,bəlkəm çın canqi mıxolifon zumrə və səfədə ğərolışon qəte. de qıləy co iborəti,amerkə bə İroni ələyh canqədə bə qıləy diplomatikə təcridi dıço be.dıminə muhimmə zərbə ki,bə İroni ələyh canqədə bə amerkə daxil be,çın kişfəri hərbi cəhəto barzəti bə sıvoli ji şey be.çı amerkə 1 triliyonə hərbi budcə çe İroni hərbi budcəsə təğribən 100 kərə veye,əmmo amerkə bo İroni təslim kardero bə notəmizə canqi dimış qəte və ijən həm mıvəffəğ nıbe ki,İİR təslim bıko.Nyu-York Taymz rujnomə bın zəminədə nıvıştəşe ki,dınyo vindışe qıləy kişfər ki,çe amerkə hərbi budcə sadə i hissə məsrəf kardedə,çokonə muharibədə veyə dəvom iyən tovış heste.bə amerkə daxil bıə coqlə zərbə ıme ki,ın kişfər ıştə mıtəfiğon nəzdədə be etıbo be.Ğərbi Asiyə iyən co məntəğəonədə bıə ziyodə kişfəron ıştə əmniyyətışon bə amerkə aspardəbe,əmmo i tərəfo amerkə boştə mıttəfiğon məxsusən Farsi Kandovədə bıə mıttəfiğon əmniyyəti təmini koyədə nokom mande iyən hətto əvonış bo israyili sipərış ğərol doe və co tərəfiku çe amerkə coqlə məntəğəonədə bıə mıttəfiğon həm hozzı nıbin bə İroni ələyh canqədə bə ın kişfəri dastək bıdon.Farsi Kandovi ətrofi kişfəron bə ın nəticə rəsin ki,çəvon əmniyyəti bo amerkə hiç qıləy əhəmiyyətış ni iyən bo Vaşinqtoni çe israyili əmniyyəti pioritetış heste.