İdlibədə Suriyə hərbion tojə əməliyat.

Suriyə hərbiyə ğıvvon tojədən bə Tırkiyə vabəstə bıə Əlhezbul Tırkıstani terroristiyə qrupi həmləon xonsa karde əvoni bə Xan Şeyxon fəror karde icburışon kardən.

Bə rəsə xəbəon əsos İdlib ostani ətrofədə çı Əlhezbul Tırkıstani terroristiyə qrupi nıfuzi məğlub bey bəpeştə çəvonku vey ozvon həlok və zəxmin bıən.

Xəbə omə ki ım terroristiyə qrup de Əlnusrə koməki 2 qılə mehvəriku Xan Şeyxon məntəğə işğol kardero cəhd kardəin.

Tırkiyə hərbiyə ğıvvon ısət çand manqe ki çı Suriyə kırdə muvafiğə qrupon himoyə dorti kardero Suriyə Hələb ostani bəzi məntəğəon işğolış kardən.

6 sor çı Suriyə millət və hərbion mığoviməti bəpeştə ısət qədə qədə de DAEŞ-i məhv bey ijən co terroristiyə qrupon zəifəti bə oxonə səbarzəti rəse holədəy.