Suriyə Əfrinədə Kırdon iyən Tırkiyə hərbion miyono daveon.

Tırkiyə hərbion iyən bə Tırkiyə vabəstə mandə hərbiyə qrupon Suriyə Əfrin şəhri şimal ğərb Şeyx Hədid nomo bıə məntəğə cənubədə de Suriyə Kırdə qrupon canqi dəvom dodən.

Bə İrna raporti əsos Suriyə mediyaon nəğliku ım daveon həminə məntəğədə Senarə və Ənğəle nomo bıə diyonədə dəvomış heste və Tırkiyə hejo bə ım məntəğə bombardımoni dəvom dodə.

Zinə həm bə Əfrini Əlreyhaniyə di Tırkiyə huccumi nəticəku 5 nəfər çı Suriyə şəhrvandon kıştə bıən.

Çı Tırkiyə tələfot qıləy holədə dəvomışe ki dıvlət sıxənəvot Bəkr Bozdağ elanış karde: Əfrinədə zitoni xolə nomo bıə əməliyat hejo dəvomış bəbe ijən tojə təsdiğ bıə ğərolon çəmə əməliyatonədə hiç təsirış ni.

İ bıə milləton təşkilati əmniyyət şura tojədən 3 ruj iclosi bəpeştə təsdiğış kardə ki Suriyədə 30 ruj otəş bast bərğəror bıbu ta bə ğeyri hərbion komək bıbu ım otəş bast Suriyədə terroriston şomil ni bəbe.