Sionist rejimi vəzir bə Suriyə və Livan təcavuz karde etırofış kardə.
Sionist rejimi kabineti məntəğəiyə həmkarion vəzir elanış kardə: İsrail navnə soronədə 100 kərəku vey bə Suriyə və Livan hərbiyə təcavuzış kardə.
Bə Ğuds aqentiyəti raporti əsos, Tazaçi Həngbi şənbə ruji de sionist rejimi rədio sohbətədə, miladi 2006-nə sorədə bə Livani İslami mığoviməti ğələbə iyən səbarzətion etırofış kardə və votışe: ısətnə vəziyətədə Livani Hizbullah de İsraili ərtışi hevujə canq kardeyro məilış ni.
Siyonist rejimi kabinetədə bıə məntəğəiyə həmkarion vəzir həmçınin iddiyoş kardə ki İroni İslami Respublika deştə hərbi huzuri Suriyədə ğəsdış heste ki İsraili əleyh Suriyə Colanədə co cəbhə icob bıkə.
Livani Hozbullah ğıvvon və Sionist rejimi miyon 33 rujə canq 2006-nə sori Yanvari bino bıə və 2006-nə sori Avqusti 14ədə de Hizbullah muğavemətiyə qrurupi ğələbə sə bey ijən Sionist rejim de məğlubiyəti bəştə qi peqəte iyən qonə zərər və tələfot im canqədə bə dumu okıriye.
Sionist rejim cəhdış heste ki Amerkə dıvləti(de Donald Trampi sədrəti) bə İron və Livani Hizbullah əleyh zumandə sanksiyaon tətbiğ karde məcbur bıkə.
Im rejim de Suriyə bıhroniku suei istifodə karde ha kərə İroni bə İrağ, Suriyə və Livani Coğrafiyədə nufuz iyən huzuri mıttəhəm kardə.
