İrağədə 3 qılə çı Azərbaycan Respublika şəhrvandon bə həbs məhkum bıən.

De İŞİD terroristiyə qrupi həmkari karde ittihom 3 nəfər çı Azərbaycan Respublika jenə şəhrvandon de İraği mərkəziyə məhkəmə hıkmi bərobər tosə umri oxo bəbe həbs bıbun.

Bə Apa aqentiyəti raporti əsos İraği cəzo mərkəziyə məhkəmə çı Azərbaycan Respublika 3 qılə jenə şəhrvandon iyən Tırkiyə və Ozbəkistoni çand nəfər şəhrvandon məhkəmə cərəyonədə əvoni de DAEŞ terroristiyə qrupi həmkari karde ittihom bə həbse əbəd məhkumış kardə.

Çand ruj çımiku bə nav həm İroği cəzo mərkəziyə məhkəmə 6 nəfər çı Azərbaycan Respublika jenə şəhrvand iyən çand nəfər çı Russiyə və Tacikistoni jenə şəhrvandonış de həminə ittihom ki İŞİD terroristiyə qrupədə uzv bıən bə həbs əbəd məhkum kardə be.

Im jenon İraği Neynəva ostanədə bıə Təlli Əfəra şəhri ozod karde cərəyonədə təslim və dəstqir bıən.

Bə Azərbaycan Respublika əmniyyət idarə raporti əsos 300 nəfəriku vey çı Azərbaycan Respublika şəhrvandon detosə bə ısət İŞİD terroristiyə qrupi tərkibədə İrağ və Suriyədə kıştə bıən.

Həminə raportədə təsdiğ bıə ki 900 nəfər nezi çı Azərbaycan Respublika şəhrvandon bənə DAEŞ və terroristiyə qrupədə ozviyətışon be.