İraği səçıni barədə Ayətullah Sistani bəyoniyə.

İraği şiəyon aliyə mərcə təğlid Ayətullah Sistani qıləy bəyoniyədə təkidış kardə: İraği millət bəbe kəsoni bıvıjnon ki vey çokə tale qarantiya əkə bıbun və eyni holədə çı xarıci, ğomi iyən irğçiyə amilon təsiri jentonədə nıbun.

Bə həminə raporti əsos çı İribku, ım bəyoniyədə ğeyd bıə: səçıni rəğabəton bəbe xarıci amilon mudaxilə iyən ğomi-ireğçiyə rabitəon bə kəno əncom bıbu ijən həminə əslonku xaric əməl kardə kəson bəbe de ğanuni de əvon rəftor bıbu.

Ayətullah Sistani İrağ tale mıəyyən karde və soxteyro bə səçınədə milləti əzəmətinə huzur işorəş kardə və votışe: İraği mərcəiyət hiç partiyaku himoyə dorti ni bəkay iyən çokə səlohiyətış bıə şəxsiyəton vıjniyə bə İraği milləti ohdə bənoy və ım milləte ki bəbe dəğiğ təhğiğon bəpeştə xarıci kişvəron nıfuzi jiədə nımande namzədon iyən ğeyri fəsodinə şəxson intixab bekon.

Çı Ayətullah Sistani ım bəyoniyə çandə İraği  siyasi qrupon və şəxsiyəton diğğəti cəlb kardə; İraği iminə vəzir Heydər Əlibadi həminə bəyoniyəku himoyə dortiş kardə İrağədə parlamenti səçın Mayə manqi 12 bərpo bəbe və tojədən İrağədə İŞİD-i məğlubiyəti bəpeştə vey xususi əhəmiyyətış heste.