Suriyə sərhədədə Tırkiyə əməliyaton dəvome.
Tırkiyə prezident, çı Suriyə sərhədədə tojə hərbi əməliyati bino kardeku xəbəş do.
Bə Fars aqentiyəti raporti əsos Ərdoğan Tırkiyədə ıştə tərəfdaron cəmədə votışe: kişvəri hərbion sərhədədə əmniyyəti təmin kardero Suriyədə tojə hərbi əməliyatonro hozzo bıbun.
Əv ki həminə qırdbemonədə Tırkiyədə infilasiya reyti kam karde iyən ticarət sahədə çokə vəziyəti icod karde barədə vəədəon bəyonış kardə Avropadə kişvəri uzviyyəti barde həm votşe: Tırkiyə ım sahədə həmişə cəhd kardə əmmo çı Avropa i bemoni vindemon noməlume.
Tırkiyə prezident ım kişvərədə hərbi mudafiə əkə rəketiyə sistemon daxilədə istihsoli bə bumiyə ğudrəti əsos vey muhimm iyən ıştə omə strateqiyaon hisob kardə, əv həm qıləy şərayetədə ki Rusiyəku S400 sistemi heriyəro Amerkə tojə maneon icodış kardə.
Tırkiyədə i yoni 24ədə prezidenti və parlament səçıni bərpo karde zəmoni təsdiğ bey bəpeştə ısət Ərdoğan bənə çı Ədolət və inkişof partiya yeqanə nımoyəndə və namzəd ıştə təbliği bərnoməon binoş kardə.
