Oqarde həx nomo bıə aksiya, Fələstin milləti mığoviməti tojə mərhələy.
Tehronədə Həmas təşkilati nımoyəndə votışe: Fələstin işğaliyə sərzəminədə oqarde həx nomo bıə aksiya, çı Fələstin milləti mığoviməti tojə mərhələ iyən baxşe.
Xaled Ğədomi bə İsna aqentiyəti votışe: ımsornə sori Ğuds beynəl xalğiyə ruj de muxtəlifə hadisəon əcumlə Ğudsi işğal karde sorqardış iyən Telaviviku Amerkə səfarətxanə bə Beytul mığəddəsə oştoniyə həmzəman bəy çən bə sionist rejim iyən Amerkə zulm iyən sistemi əleyh muxtəlifə kişvəronədə bıə Ğuds beynəl xalğiyə ruji etıroz aksiyaon həm vey farğış bəbe.
İronədə Həmas təşkilati nəmoyəndə əlovəş kardə: Amekə səfarətxanə bə Ğuds ovıştoniyə oşkoş kardə ki Amerkə beynəl xalğiyə diplomatik ğanuni rioyət ni bəkay və ım çı Amerkə mahiyyət və çandə bə sionist rejim himoyə dorti karde nışonəy.
Əv təsdiğ kardə: Fələstinıjon şərği və ğerbiyə Ğudsədə ıştə həx-huğuği tələb kardən ijən hejo elan kardən ki Ğuds detosə oxo çı Fələstini paytəxte və sionist rejim Fələstini sərzəminədə vırəş ni.
De İroni islamiyə inğilabi təsisəkə Həzrəte İmom Xomeyni(r) tədbir, mobarək ruje manqi oxonə cımə bən Ğuds beynəl xalğiyə ruji vıjniyə bəy ta dınyo mısılmonon iyən ozodtələbon ıştə ğəyz və nifrəti çı sionist rejimi ireğçiyə cinoyətonku elan bekən.
Imsor həm Ğuds beynəl xalğiyə ruji yolə aksiya maştə həmzəman dınyo həmmə kişvəronədə bərpo bəbe.
