Yəmənı Sərvah şəhrədə Səudiyə ərəbıstoni muzdoronku çandənəfəri həlokət.
Oct 07, 2018 08:31 Asia/Tehran
Yəmənıjə ğıvvon Mareb ostani Sərvah şəhrədə təşkil doə əməliyatdə Səudiyə Ərəbıstoni çandə qılə muzdori bə həlokət rosnedən.
Bə Əlməsirə nəğli əsosi Mehr aqentəti ımruj xəbəş do yəmənıjə ğıvvon Sərvah şəhrədə terroriston çanqılə sərkərdəşon bə həlokət rosniyə.
yəmənıjə ğıvvon eyne holədə ərəbıstonı Cizan və Əsir məntəğonədə bə təcavuzkarə səudion mərkəz de rəket hucumışon bardə.
səudiyə mənbəon elanışon kardə 2018 minnə sori sentiyabrə manqədə ərəbıstonı silahlinə ğıvvon tələfat bə 42 nəfər və yarəjəon ədəd həm bə 24 nəfər rəsə.
statistikaon eyne holədə nışon dodən dəvardə manqi mıddətdə ərəbıstonı silahlinə ğıvvonku 467 nəfər kıştə və 293 nəfər həm yarəjə bən.