10 milyon nəfəriku vey Ərbəini zairon bə Kərbəlo varid bıən.
İraği Kərbəlo ostandari muavin elanış kardə: detosə ım zəmoni bə 10 milyon nəfər nezi zaire Huseyni(ə), ərbəini mərasimədə iştirok karde xoto bə Kərbəlo ostan varid bıən.
Kərbəlo ostandari muavin Əli Əlməyali de "Əlməlumə" aqentiyəti mısohibə əlovəş do: ımsornə Ərbəini ziyorətədə iştirok karde xoto bə 1 milyon və 600 həzo nəfər nezi ğeyri İrağiyə zair həm Ərbəini mərasimədə iştirok karde xoto bə Kərbəlo varid bıən.
Əlməyali votışe: ğeyri İrağiyə zairon muxtəlifə mərzon, zəmin və həm Nəcəfi airporti vositə bə İrağ varid bıən.
Bə məşhurə dini mərace təkidi əsos, Ərbəini ziyorət bə Ərbəini ruj məxsus ni, çuçiçk İraği və ğeyri İrağiyə zairon çand rujiku bə nav qədə qədə mərhələ bə mərhələ bə Kərbəlo omən və ziyorəti karde bəpeşt bə ıştə şəhron və ya co ətəbate aliyat bəşen.
Hicri ğəməri 1440 nə sori səfərə manqi 20 bərobər de milady 2018 minnə sori oktiyabrə manqi 30 dınyo şiəyon 3 minnə imom və çəy vəfodorə əshabi Ərbəine Huseyni(ə) Kərbəlo səhraədəy.
Çandə milyon zair dınyo mıxtəlif vıronku Ərbəine Huseyni(ə) mərasimədə iştirak kardeyu bə iraği cənub Kərbəlo şəhr daxil bedən.
