Fələstin ıştə ğədimiyə əsəron ğarət bey barədə təhğiğ karde tələbış kardə.
Fələstin muxtar təşkilati xarıci vəzarətxonə çı İ Bıə Milləton tədris, elmi və mədəniyət təşkilati(Yunesko) və turizm beynəlxalğiyə təşkilati naziron tərəfiku Fələstin sərzəmini tarixi və ğədimiyə əsəron dızdiye barədə ciddiyə təhğiğon tələbış kardə, sioniston ijən çı Fələstini tarixi irson ğarət kardedən.
Bə İrna raporti əsos çı Əlyəom Əssabe Misriyə rujnomə nəğliku Fələstin muxtar təşkilati xarıci vəzarətxonə bəyoniyədə, sioniston tərəfo Fələstini ğədimiyə əsəron dızdiye beynəl xalğiyə ğanunon ləğv karde zınəş be və elanış kardə: ım sahədə təhğiğon karde bəzne sionistə işğolkorə rəsmi şəxson bo tarixiyə əsəron oqordıniye ki əvoni de zuy bə dast vardəşone ya xot əvoni bənə yəhudi rişəş bıə tarix ğeyd karde xoto cəhd kardən məvbur bıkə.
Bə ım bəyoniyə əsos, tojə soronədə işğoliyə Fələstinədə turizm sənaye vey zumand bəy ki sioniston de ihatə bə turisti və ğədimiyə vırəon, i tərəf Fələstini ğədimiyə əsəron ğarət bıkən, və co tərəf əvon de daxıl ya xarıcədə ım əsəron nımoyış doe bo ıştə beəsos və cəliyə şəxsiyət iyən tarixi pesoxtedən.
Tojədən, təğribən 150 qılə sionis de ım rejimi hərbion əmniyyəti tədbiron bə İordaniya ru kəno, Nablosi şimol-ğərb Sebestiyeədə bıə qıləy ğədimiyə məntəğə həmləşon kare.
Im həmlədə sioniston de Fələstinə cıvonon dave qəteşone iyən Ğudsi işğolkorə rejimi hərbion həm Fələstinıjon sərku karde xoto çəşəarsi ruəkə qaziku istifodəşon kardə.
Sionist rejimi de fırsət tələb və təməkorə kəson bə dast varde iyən de qonə məbləğon xərc karde, Fələstini tarixi məhv karde iyən Fələstini sərzəmini çı ərəbi əsəronku teyli kardey xoto cəhd kardedə, boçi ki ıştə ğeyre ğanuni tarixi subit karde fikədəy.
