Yəmənı Əlhodəydə portədə səudiyə muzdoron tələfat.
Nov 18, 2018 08:33 Asia/Tehran
Yəmənı silahlinə ğıvvon iyən mubarizəəkon Əlhodəydə aeroporti ğərb Məndəz nomo bıə di şimal hissədə bə səudiyə təcavuzkarə muzdoron hərbiyə maşinon zid qıləy dəğiğə əməliyatdə çəvon maşinon tıpnedən və çandə qılə muzdoronku həm bə həlokət rosnedən.
Bə Əlməsirə TV kanali ımrujnə elanon əsosi ım əməliyatdə yəmənı silahlinə ğıvvon və mubarizəəkon muhəndesiyə dastə Əlhodəydə aeroporti ğərb hissə mina meydon kardən ta tojədən bə muzdoron nufuzi mane bıbon.
ım əməliyatdə xəyli ğənimət bə yəmənı silahlinə ğıvvon iyən mubarizəəkon dast eqıniyəy.
yəmənıjə ğıvvon eyne holədə coqlə əməliyatdə ərəbıstonı cənub nəcranı Əlxezra ro neziədə muvəfəğ bedən səudiyyə ərəbıstoni silahlinə ğıvvon və muzdoron xəyli imkanon arəku bıbən.