Səudiyə ərəbıstoni bə yəmənı Əlhodəydə zid həvoiyə hucumon dəvom.

Yəmənı Əlhodəydə şəhrədə otəşbasti bərpo kardeyu təşkil bə fəaliyəton kənoədə ərəbstonı hərbiyə təyyarəon ijən çı şəhri bəzi məntəğonışon bombardımon karde.

Bə Əlaləm kanali elanon əsosi ərəbıstonı hərbiyə təyyarəon zinə şanqo 10 kərə Əlhodəydə şəhri bəzi məntəğonışon bombardımon karde və ım qıləy holədəy ki dəvardə rujonədə səudiyyə təcavuzkarə koalisiya elanış kardə be ki bə Əlhodəydə porti ıştə hucumonış ğət kardə.eyne holədə yəmənıjə ğıvvon həm səudiyyə koalisiya hucumon dəvomi vədə reaksiyaşon nışon doə və ımruj sıb "Bədr 1" nomo qıləy balestikə rəketışon bə Səna şimal şərğ Fərzə 9 nomo bıə məntəğədə bə səudiyyə muzdoron mərkəzon tərəf ğandəşone ki nəticədə çandə nəfər  muzdoronku bə həlokət rəsedən.