Bə səudiyə koalisiya hərəkəton zid Yəmənıjon aksiya.

Yəmənı cənubiyə ostanon mincumlə Şəboh ostani sakinon bə səudiyə koalisiya hərəkəton zid aksiyaşon bərpo karde.

Bə telerədyo aqentəti xəbon əsosi Şəboh ostanədə Ətəğ nomo bıə şəhri yəmənıjə aksiya bərpo kardəkəson səudiyə koalisiya uzv bə məmləkətonku piyəşone bə Yəmənı milləti zid cinayəton oxo bıdən.

Ətəğ şəhri cəmaət umumiyə xıdməton nırəsəyon və ıştə bevəcə  məaşi ale səudı yolon təcavozkarə siyasəton nəticədə zındən.

etirazəkon eyne holədə Ətəğ şəhri aeroporti okardeşon tələb kardə.

Həmzəman de Şəboh ostan  cənubiyə ostanon Həzərmot və Ədən ostanon şəhrvandon həm zinə bə Yəmənı be mudafiyə milləti zid səudiyə koalisiya hərəkəton məhkum kardeyu  aksiyaşon bərpo karde.