Səudiyə rejimi zindononədə 3 həzo nəfəriku vey Pakistonıj həbsin.

Pakistoni Xeyberpəxtunxva əyoləti idori koon və məhəliyə inkişofi nakonə vəzir ifşoş karde, ım kişvəriku 3309 nəfər şəhrvand Ərəbistoni zındononədə həbsin ki veyni Ale-Səud rejimi həbsxonə məmuron vositə əzyət-əzob bıdən.

Bə Telerədio aqentiyəti raporti əsos, Enayətullah Xan zinə de ım xəbə elan karde eyniholədə əlovəş do: kali çı Pakistonıjə məhbuson Ale-Səud rejimi hakimon bədərəftoron illəti zındonədə ıştəni kıştəşone.

Çimiku bənav Pakistoni xarıci vəzir "Şah Məhmud Ğoreyşi" Ərəbistoni zındononədə Pakistoni şəhrvandon miğdori 3 həzo nəfəriku vey iyən İ Bıə Ərəbəbon Əmirəti zındononədə 2600 nəfər elanış kardedə be.

Im barədə Pakistoni məclesi uzv "Sahebzodə Sənaullah" votəşe Pakıstani şəhrvandonku veyni ki Ərəbistonədə həbsin çəvon qıno viza barədə be.

1 milyonon nəfəriku vey Pakistonıj Ərəbistonədə jimon kardedən.