İroni prezident bə Fələstinıjon miyono vəhdəti əhəmmiyət təkidış ka.

İroni prezident bə Fələstin məzlumə milləti poymol bıə həx-huğuği dast peydo karde yeqanə roy fəğət de İsrail işğoləkə rejimi mubarizə barde və mığovimət zınəş be.

Bə prezidentəti informassiya nəşrəkə mərkəzi raporti əsos, İroni prezident Həsən Ruhani zinə Tehronədə de Fələstini islamiyə cəhad hərəkəti sərkatib Ziyad Ənnəxalə vindemonədə de işorə bə sioniston təcavuz, zılm və işğali vədə Fələstin milləti 70 sorə mığovimət, əlovəş do: bə ıştə həx-huğuği rəse, avarəon oqarde və şərifə Ğudsi bənə daimə paytəxti elan karde xoto həmmə mısılmonon bəpe Fələstini milləti himoyədorəti bıkən.

Ruhani bə Fələstinıjon miyono vəhdəti icod bey zərurət təkidış karde iyən votışe: be şək sionist rejimi vədə vəhdət Fələstin milləti bə səbarzəti rəse bois bəbe və de Fələstini cıvonon mığovimət ım rejim oğo bəbe ki Fələstin milləti vədə səbarz bey imkonış ni.

Ziyad Ənnəxalə həm işğaliyə Fələstini oxonə vəziyət, mığoviməti qrupon hozzıəti və çəvon ğudrətiku raporton iraə doe bəpeştə votışe: beşək İroni nəzər və himoyədorəti rol və əhəmmiyət həmonə cəhdon ki çı niyyət və məğsəd Fələstin milləti həx-huğuği dussiyə dəbasteye de yolə məğlubiyəti dim bə dimış karde.

Fələstini islamiyə cəhd hərəkəti sərkatib təziğon jentonədə iyən sionist rejim və Amerkə pesoxtə bıə "ğərni muğavilə" vədə bə Ğəzzə tanqə milləti mığovimət işarə və təkidış karde: Fələstin millət de həmmə təziğon və təhdidon bə ıştə həx-huğuği rəse ıştə mığovimət və mubarizəku dast nibəkəşen.