Ərdoğan de Bolton vindemon kardeyku imtinoş karde.

Tırkiyə prezident Ankaraədə de Amerkə milli əmniyyət mışovir vindemon və sohbət kardeyku imtinoş kardə.

Bə İroni tələbəon aqentiyəti(İsna) raporti əsos, Con Bolton, zinə de Rəcəb Təyyeb Ərdoğan vindemon və sohbət kardey mənfiyə cəvobi dim bə dim bey bəpeştə Tırkiyəş tərk kardışe.

Tırkiyə prezident tojədən Amerkə milliyə əmniyyət mışoviri sıxənon, tənğidış kardə be, Bolton bə Tırkiyə ome bə nav votəş be bo Suriyə şimali məntəğəonku xarıc bey Amerkə şərt ıme ki Tırkiyə çı Suriyə Xəlğ Mudafiə Quruponku(Y.P.Q) mıhofizə bıkə.

Bolton zinə Ankara tərk kardey bənav de Tırkiyə prezidenti sıxənəvot Ebrahim Kalin vindemon və sohbətış kardə be.

Amerkə milli əmniyyət mışovir Con Bolton, zinə de Amerkə ərtışi mıştərəkə sər ğərorqo rəis Cozef Danford və Suriyə koonədə bıə Amerkə məxsusə nımoyəndə Cimz Cefri bə ico bə Ankara varid be.

Suriyə şimalədə vəzyət iyən ım məntəğədə bə Amerkə vabəstə bıə hərbi qrupon Boltoni de Tırkiyə rəsmi şəxson muzakirə karde mıvzoon mehvər be.