Səudiyə koalisiya ijən Əlhodəydə otəşbasti ləğv kardə.
Jan 10, 2019 09:15 Asia/Tehran
Yəmənı silahlinə ğıvvon sıxanəvot zinə şanqo ım məmləkəti ğərb Əlhodəydə portədə təcavuzkarə səudiyə koalisiya ğıvvon tərəfo otəşbasti ləğv beku xəbə dodə.
Bə Təsnim aqentəti xəbon əsosi Yəhya Əlsəri votışe: təcavuzkarə səudion koalisiya və çəvon muzdoron dəvardə 24 saatdə 276 kərə Əlhodəydə şəhri otəşbastışob ləğv kardə.
Əlsəri eyne holədə votəşe: Səudiyə Ərəbıstoni hərbiyə təyaron dəvardə 48 saatdə 61 kərə Yəmənı coqlə məntəğonışon bombardımon kardə.