"Oqarde Həxi" 43 nə cumə ruji aksiyaədə 13 nəfər zəxmin bıən.

Fələstini səhiyyə vəzarətxonə zinə şəv Ğəzzədə bıə "Oqarde Həxi" 43 nə yolə cumə ruji aksiyaədə 13 nəfər Fələstinıjon zəxmin bıənku xəbəş do.

Bə Əlaləm raporti əsos, Fələstini səhiyyə vəzarətxonə işorəş kardə yarəjəon miyonədə 2 nəfər mıxbır və 3 nəfər imdodəkə hestin.

Im cumə ruji "Oqarde Həx" nomo bıə aksiya şuari nom "de çəmə mığoviməti, mıhosirə məğlub bəbe" ğeyd bıə.

Sionist rejimi hərbion çı Fələstinıjon aksiyaəkon sərkub karde cərəyonədə bə Fələstinıjon əleyh canqi qullulə iyən çəşəars iyən zəhrinə qazonku istifodəşon karde.

Fələstini mənbəon elanışon karde, de zəhrinə qazon əsəri vositə çand da nəfər Fələstinı zəhrin bıən.

Marti 30ku həmzəmon De zəmin Ruji sorqardış Ğəzzə və işğaliyə sərzəminon mərziyə məntəğədə Oqardey Həxi aksiya bərpo bıə ki ım aksiyaədə ta ım zəmon 255 qılə Fələstinıjə de sionist rejimi hərbion vositə şəhid bıən və 26 həzo nəfəriku vey zəxmin bıən ki dahon nəfər qıvonə vəzyətədə hestin.

Kali məmləkəton mincumlə İron İslam Respublika iyən beynəlxalğə təşkilaton desbə ısət sioniston ım cinayəti məhkum kardəşone.

Zəmin ruji sorəqardışədə fələstinıjon aksiya 1976 nə sori martə manqi 30 minnə ruji fələstinıjon ərazi musadirə karde barədə sionist rejimi ğəroli bə yod vardə ki ha sor bərpo bedə.

sionist rejim de fələstinıjon ərazi musadirə karde və sionist ənıştə şəhron soxte fələstiniyə məntəğon coğrafiyaiyə structuri əvəz karde və bə ım məntəğon siyonistiyə obrazi doe niyyətdəy ta fələstiniyə əraziəadə ıştə təcavuz irən sultə idomə bıdə.