Basil ijən təkidış ka: Suriyə bəpe bə Ərəb Liqa oqardo.

Livani xarıci vəzir zinə Beyrutədə bıə Ərəb İttifoği iğtisodi iclosi oxoədə co kərə Suriyə oqarde bə ım təşkilali tələbış ka.

Bə İrna raporti əsos, Cebran Basil de Ərəb Liqa sərkatib Əhməd Əbolğeyz mıştərəkə xəbəiyə iclosədə bə Ərəb Liqa Suriyə oqarde zəruəti təkidış karde və əvış çı Livani nəzə iyən Ərəb dınyoədə mısbətə reaksiyaon icodəkə zınəş be.

Livani xarıci vəzir həm Beyrutədə bıə Ərəb Liqa iğtisodiyə iclosi muğəddəmədə təkidış kardə be, ım iclosi yolə ğayib Suriyəy və çı tıyliə vırə hiss bıdə.

Basil Ərəb Liqaədə Suriyə uzviyəti ləğ kardeyku tənğidış ka və votışe: Suriyə bəpe bə Ərəb Liqa oqardo ta zərrər-ziyanon ıştəniku diyəro kəmon.

Ərəb Liqa 2011-nə soriku və Suriyədə bıhrani bino bey bəpeştə ijən Ərəbiston və İ Bıə Ərəbə Əmirəti təziğon xoto ım ittifoğədə Suriyə uzviyəti ləğvış karde, peşo vey ərəbi kişvəron həm dıştə səfarətxonəon baste ıştə diplomatik rabitəonnışon de Dəməşği ğətışon kərdə.

Isət terroriston vədə Suriyə prezident Bəşar Əsəd dıvləti ğələbə iyən ım kişvərədə Ərəbi-ğərbi sui-ğəsdon məğlub bey vey ərəbi və məntəğə kişvəron ıştə səfarətxonəon okardə iyən de Suriyə rabitəon tojədən normal karde xoto cəhd kardən.

Suriyədə Bıhran 2011-nə soriku de bə Ərəbiston, Amerkə və çəy mıttəhıdon vabəstə bıə terroristiyə qrupon həvujə huccumi iyən məntəğədə sionist rejimi mənafe təmin karde bino bıə.