Əmir Əbdullahiyan: məntəğədə tojə bıhranon otəş yəğin sionist rejim məhv bəkay.

Beynəl xalğ sahədə İroni islamiyə şura məclesi rəis məsləhətçi Tehronədə de Rusiyə səfir Levan Caqariyan vindemon karde, məntəğədə tojə ehtımaliyə rost bıə otəşonədə əsli məğlub bıə tərəfi sionist rejim elanış karde.

Bə İrirb raporti əsos Huseyn Əmir Əbdullahiyan ım vindemonədə bə Suriyə komək karde cərəyonədə bıə İron və Rusiyə miyono muvəffəğ əloğəon ijən bə məntəğə əmniyyəti oqəte zəruriyat işorəş karde və votışe: sionist rejimi təhrikəkə hərbi əməliyaton ijən Suriyə həvo sərhəddi rioyət nıkarde çı məntəğə əmniyyəti vılo əkəy.

Beynəl xalğ sahədə İroni islamiyə şura məclesi rəis məslehətçi bə Tehron Moskva miyono parlemant əloğəon mıştərək kamissiya dəvoniyə mısbətə əsəron işorə və təkidış ka: ım mıştərəkə kamissiya karde bəzne dıvlət iyən ğeyri dıvləti orqanon miyono həmkarion vədə manəon məhv bıkə.

Caqariyan həm İron və Rusiyə miyono bıə bə mıştərəkə stratejik əloğəon işorəş karde və bə çəy idamə təkidış ka.

Bə Suriyə həvo sərhəddi ehtırom  nıkarde kənoədə sionist rejim zinə ijən Livani həvo iyən dıyo sərhəddiku dəvardə rəsmən otəş bast peymoni əks rəftorış ka.

İraği parlemantəti mudafiə və əmniyyət kamissiya ozv Əli Cəbar həm sionist rejimi xiyolədə harcurnə ehtımaliyə hərbi hərəkəton əncom doe barədə bə ım rejim notaş do.