İron və İraği miyono maliyə mıbodiləon məxsusə mexanizmi muğavilə imzo be.

Bəğdadədə İroni mərkəzi banki yol Əbdul Naser Heməti iyən İraği mərkəzi banki rəisi miyono maliyə mıbodiləon məxsusə mexanizmi mığovilə imzo be.

Bə İrna raporti əsos ım mexanizm  bə İrağ elektrik, qaz və co məhsolon sadir karde xoto zəminəon xusosi puli vırə bə vırə kardeədə hozzo bəkay.

Im muğavilə, çandə sohbəton bəpeştə Bəğdadi Əlrəşid hotelədə imza be.

Heməti ki zinə bə İrağ varid bıə be airportədə İrağış çı İroni dust və bevvə kişvər hisobış kard ki həmkariin çərçivədə muzakirəon bəpe dəvom peydo bıkə.

İroni mərkəzi banki rəis ım səfərədə İraği puli və maliyə rəsmi şəxson vindemon karde kənoədə de İraği prezident və i minə vəzir həm sohbət bəkay.

ətomiyə sazışədə Amerkə və Avropa ğeyri ğanuni hərəkəton bəpeştə İron deştə ticari şərikon 2 tərəfi maliyə və ticari əloğəon dəvom doe çərçivədə dollari ıştə ticariku bə kənoə fikədən.