Ərəbıstoni Vəliəhd bə Pakiston varid be.

Zinə şəv çandə əmniyyəti tədbir iyən vəzyəti jentonədə ijən cəmaəti anti Ale-Səud şuaron vasitə Muhəmməd Bin Səlman bə Pakiston varid be.

Bə İrib raporti əsos Muhəmməd Bin Səlman ım səfərədə de Pakistoni rəsmi şəxson vindemon karde kənoədə muxtəlif baxşonədə həmkari sənədon imzo bəkay.

Imruj Pakistonədə umumiyə tətilə ruj elan bıə iyən Pakistoni sıə məntəğədə Sıvoy diplomaton cəmaəti şıə ome ğədəğən elan bıə.

Kali mediyaon İslam Abadi həssasə vırəon interneti ğət beyku xəbə dodən.

Im səfəri həmzəman çand həzo nəfər çı Pakistoni əsəbinə millət bə Muhəmməd Bin Səlmani səfər etıroz ijən bə məntəğə məzlumə milləton əleyh Ali-Səud rejimi siyasəton məhkumışon karde.

Əvon Ərəbə kişvəron əcumlə Ərəbistoni tərəfo bə Yəmən və Suriyə həmlə karde iyən de sionist rejimi bə i co Fələstin milləti həx huğuği poymol karde məhkumışon karde iyən Ali-Səud, Amerkə və sionist rejimi əleyh şuaron vanqışon karde.

Etırozəkəyon Pakistoni daxıli koonədə ərəbi kişvəron mudaxilə karde bo mısılmono bıhran icod karde hisobışon karde və təkidışon karde ki ərəbi dıvləton xusosi Ərəbiston ıştə canq tələbə siyasəton bənav barədə xoto Pakistoni bə Yəmən və co bıhranon iyən canqi daxil kardedən.

Çandə çı Pakistoni siyasəti və məzhəbi təşkilaton iyən şəxsiyəton həm bə Pakiston Ərəbistoni Vəliəhd Muhəmməd Bin Səlmani səfər karde məhkumışon karde.