Yəmənıjə jenon Səudiyə koalisiya cinayəton məhkum kardeyu aksiyaşon dəvoni.

Çandə həzo yəmənıjə jenonku Səna şəhrədə aksiya bərpo kardeədə,Həccə ostanədə Səudiyə koalisiya tojə cinayəti ki bə xəyli ğeyre hərbi şəhodət və yarəjə be bois bedə məhkum kardən.

Səudiyə koalisiya hərbiyə təyarəon 1 şanbə rujnə hucumədə bə Yəmənı ğərb Həccə ostani Kəşər şəhristan 30 nəfər ğeyre hərbi şəhid bedən.

Bə Yəmənı Əlməsirə xəbəriyə mərkəzi elanon əsosi Yəmənıjə jenon 4 şanbə ruji ım aksiyaədə dıştə şoari Səudiyə koalisiya və ım koalisiyaədə uzv bə məmləkəton təcavozi bə Yəmənı ərazi məhkum kardən.

ım aksiya oxoyədə hozzı bə bəyonotədə oməy ki yəmənı millət marde,muhasirə və vəşyanətiku tarsışon ni və təcavozkaron zılmi vədə bəmanden.