Tırkiyə çı sionist rejimi be ğanun iyən rasizmə siyasətonış məhkum kardə.

Tırkiyə xarıci vəzir bə məçiduləğsa zidd bıə sionist rejimi həmləonış məhkum kardə iyən ım təcavuzon sə karde tələbış ka.

Bə İrib raporti əsos molud Çavoş Oğlo dınyoş dəvət karde ki sionist rejimi jıqo hərəkəton vədə ciddi hərəkəton əncom bıdən.

Əv sionist rjimi jıqo be ğanunə hərəkət iyən təcavuzon ziyod bey əsliyə illəti Amerkə himoyəon zınəş be və təsdiğış karde: əmə ıştə milləti və muğəddəsə məsələon yodo be karde əzı nimon.

Tırkiyə prezident aparati sıxənəvot Ebrahim Kalin həm çı sionist rejimi i minə vəziri tojə sıxənon barədə elanış karde ki ğərbiyə dıvləton bəpe ım rejimi jıqonə rəftoron vədə reaksiya nışo bıdən.

Əv Benyamin Netanyahu tojə sııxənon qırd rasizmə rəftor zınəş be və əy məhkumış karde.

Tojədən iyən sionist rejimi parlemant səçeni Astanədə ım rejimi i minə vəzir ijən İsrailış tam çı Yəhod milləti sərzəmin hisobış karde; hətto ım rejimi pesoxtə bıə parlemantədə həm sədo doe xoto fəğət bo yəhodiyonro həxon nəzərdə qəte bəy.