Colan məntəğə barədə Trampi xətərnokə ğərol.

Tırkiyə mudafiə vəzir işğaliyə Colan məntəğədə sionist rejimi hakımiyəti rəsmi elan karde qıləy xətərnok iyən nadırıstə ko hisobış ka.

Bə İrib raporti əsos, Xulusi Akar təkidış karde: əvoni ki vo kaştedən hukmən çı tufani nəticə bəvinden.

Donald Tramp dəvardə haftə de tojə hıkmi imzo karde Suriyə Colan məntəğədə sionist rejimi hakımiyəti ğəbulış karde.

Colan işğaliyə məntəğədə çı Suriyə Ğunəytərə ostani i baxş hisob bıdə ki sionist rejim 1967ədə qıləy 6 rujiyə canqi vasitə əy ışğal peşo 1982ədə bəştə işğaliyə ərazi əlovəş karde.

2 ruj şimiku bənav çı Əmniyət Şura əksəriyət uzvon ıştə iclosədə təsdiğışon karde Colan çı Suriyə sərzəmine ki israil əy işğalış karde, ım mıvzo çı İ Bıə Milləton Təşkilati ğətnoməonədə həm ğeyd bıə.