Yəməni canqədə bə Ərəbıston Amerkə koməkon bəpe sə bıbu.
Bə Amerkə nımoyəndəon məclesi tojə təsdiğ bıə ğətnomə əsos Yəməni canqədə bə Ərəbıston çı Sıpiyə Kə hərbi koməkon ijən vığande vəy bəpe qətə bıbu.
Bə İrna raporti əsos ım ğətnomə zinə Amerkə nımoyəndəon parlemantədə de 247 qılə mısbətə sədo iyən 175 qılə mənfi sədoon vasitə təsdiğ bıə.
Bə ım ğətnomə əsos dıvlətiku tələb be Yəmənədə bıə Amerkə hərbion ya xot ım canqədə təsir noə hərbi mışoviron bəpe rə Yəməniku xaric bıbun.
Siyasi koşınason nəzərku ım ğətnomə Amerkə prezident Donald Trampi tərəfo vıto bəbe.
Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.
Im canq detosə bə ısət 16 həzo nəfər Yəmənıjon kışte, çand 10 həzo nəfəri zəxmin bey iyən çand milyon nəfəri avarəti bois bıə.
Ərəbistoni hərbi təcovuz, Yəməni fəğırə kişvərədə ğəzo və dəvo-damon cəhətiku şiddətinə bıhrani bois bıə.