Əbdulməlek Əlhusi: Səudiyə rejimi cinoyəton Yəməni milləti iradəonədə be təsire.
Yəməni Ənsarullah hərəkati yol votışe: Səudiyə koalisiya cinoyəton muğavimət iyən mubarizə xoto çı Yəməni milləti iradəon zumandəkəy.
Bə İrna raporti əsos Əbdulməlek Əlhosi ımruj sıb dınyoədə vey dəhəştinə cinoyəton bə Səudiyə rejimi məxsusə zınəş be və votışe: Sənadə Ərəbiston rejimi zinə ruji cinoyət ım təcavuzkaron həğiğəti oşkoş karde.
Əlhosi təsdiğ kardış: Səudiyə təcavuzkardə rejim canqi i minə rujiku bə Yəməni mısılmonə milləti əleyh ıştə vəhşiyə obrazi nışoş do iyən subutış karde ki ım canqədə əsliyə ğəbol bıə kəson hırdənon, jenon və ğeyri hərbionin.
Im təşkilati sıxənəvot Muhəmməd Əbdulsəlam həm de bəyaniyə vasitə Sənadə İ Bıə Ərəb Əmirətion və Ərəbistoni koalisiya tojə cinoyəti təcavuzkaron zəifəti nımunəş be.
Əv votışe: Bə Ərəbistoni həsasə təsisaton həmlə kard reaksiyadə Yəməni be pənohə milləti ğatliam nışo doydə ki deşmən hərbi cəhəto bə kəno mediya və əxloğ sahədə həm məğlob bıə.
Səudiyə təcavuzkarə rejimi hərbi təyyarəon pencşambə Yəməni paytəxt Səna şəhri mərkəzədə bə məskoniyə vırəon həmləşon karde ki ım təcavuzədə 4 nəfər hırdən və 2 nəfər adi şəhrvandon kıştə bıən ım vəhşiyə cinoyətədə 27 nəfər hırdən, 17 nəfər jen və co 27 nəfər həm zəxmin bıən.
Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.
Ərəbistoni hərbi təcovuz, Yəməni fəğırə kişvərədə ğəzo və dəvo-damon cəhətiku şiddətinə bıhrani bois bıə.