Suriyədə Tırkiyə hərbiyə hərəkəton.

Tırkiyə dıvlət elanış karde ki de Suriyə pesoxtə bıə ozod ərtışi bə i co bə Suriyə varid bəbe ta qıləy yolə hərbi əməliyoti Suriyədə əncom bıdə.

Bə Tırkiyə prezident umumiyə rabitə idarə elanon əsos Tırkiyə rəsmən Suriyə nime hərbi kırdonış təhdid kardedə ki ya məntəğəku xaric bıbun ya Tırkiyə hərbi əməliyaton vədə mane nıbun.

Tırkiyə ərtış zinə ıştə hərbi təchizatonış bə Suriyə sərhəd şəhron varidış karde.

Həmzəman ım kişvəri mudafiə vəzarətxonə həm Forati şərğədə hərbi əməliyaton muğəddəmə hozzo beyku xəbəş doe ta Suriyə şimolədə məsələn iddeo bıə əmnə məntəğə icod bıbu.

Tırkiyə parlemant həm zinə rəsmən bə Tırkiyə icozəş do Suriyə və İrağədə bə hərbi əməliyaton idomə bıdə.

Xəbə ome Suriyə demokratik kırdə nime hərbion həm bə Tırkiyə nota doeşone ki bə çəvon mənafe əleyh Tırkiyə hərbiyə əməliyat bə yolə canqi əvəz bəbe.

Suriyə dıvlət çı Tırkiyə jıqonə hərəkətonış bənə Suriyə daxıli koonədə mıdoxilə karde iyən Suriyə ərazi işğal karde zınəydə.