Yəməni bıhrani hələkə yeqanə ro, siyasi şivəy.

İroni mudafiə vəzir zinə Tehronədə Yəməni səfiri vindemonədə təkidış karde ki Yəməni bıhran fəğət siyasi royku həl bənine.

Bə Təsnim aqentiyəti raporti əsos, qeneral mayor Əmir Hatəmi ım vindemonədə təsdiğış karde: İron İslam Respublika nəzəku Yəməni ısətnə bıhran bəpe siyasi cəhəto həl bıbu ta Yəməni millət ıştə sərnıveşti deştə iradə təyin kon.

İroni mudafiə vəzir ijən bə İron və Yəməni hərbi ğıvvon miyono həmkarion dəvom və zumandəti zərruriyati təkidış karde.

Yəməni səfir İbrahim Əldilmi həm Yəməni mudafiə vəzir və hərbi mıştərik ğərorqo rəisi səlomi bə İroni mudafiə vəziri vığandış və bə İron-Yəməni miyono həmmə tərəfinə həmkarion hevujəti zərruriyati təkid kardışe.

Əv Yəməni millət və dıvlətiku himoyədorəti karde xoto çı İroni moğeiyət qəte bə təğdiri loyiğ hisobış karde.