İdlibədə Suriyə hərbion muvəffəğə əməliyaton dəvom kardedə.

Suriyə ərtış, ım kişvəri şimol şərğ məntəğəon, Edleb ostanədə muvəffəğ be 6 qılə tojə məntəğəon terroriston dastiku ozod bıkə.

Suriyə hərbion ısət vey məntəğəonədə bə Tırkiyə sərhəd nezə bıdən.
Jıqo elan bıə ki dəvardə rujonədə 100 qılə terrorist Suriyə ım əməliyatonədə həlok bıən.
Əmmo sionist rejimi rəketiyə həmləon Suriyə paytəxtədə məğlob bıə; bə Sana aqentiyəti raporti əsos, sionist rejimi ım rəketiyə həmlə hədəf Suriyədə terroristonku himoyədorəti karde və bə Suriyə hərbi bazaon əleyh əncom bıə.
Xəbə ome Suriyə həvo mudafiə sistem muvəffəğ bıə ım kişvəri ğərb Həmah ostanədə qıləy təcavuzkar hərbi bepilotə təyyarə məhv bıkə.
Qılə holədə ki bə Suriyə bəzi məntəğəon, terroriston hərbi həmlə iyən Suriyə de terrorçiyon mubarizə barədə dəvom kardedə əmmo məvuji Amerkə ijən tojə hərbionış bə Suriyə natə məntəğəon vığandedə.