Amerkə bəpe Asiya ğərb məntəğəku xaric bıbu.

Livani milli ğıvvon və muxtəlif partiyaon, sepah təşkilati zumandə reaksiya iyən bə İrağədə Amerkə hərbi baza həmlə karde Asiya ğərb məntəğəku istikboriyə kişvəron xaric bey zəminə və muğəddəmə hisobışon varde.

Əmmo İraği Əsaeb Əlhəğ nomo muğavimət qrupi rəis Ğeys Əlxəz Əli tojədən bəyonış karde ki sionist rejimi mənafe təmin karde xoto Amerkə pidəş ni İrağiku xaric bıbu.

İraği Əsaeb Əlhəğ təşkilat ijən təhdidış karde ki Amerkə təcavuzi vədə ciddi iyən saxtə reaksiya nışo bədoy.

İroni mudafiə vəzir qeneral Hatəmi həm ımruj Yaponiya mıdoxilə vəziri telefoniyə rabitədə təkidış karde ki məntəğədə Amerkə işğalçiti bəpe sə bıbu bə oxo berəsi.

Tojədən Çini xarıci vəzarətxonə həm bəyaniyə vasitə Asiya ğərbədə Amerkə hərbi iştiroki bıhranon icodəkə amil bə hisobış varde.

İrağiku xəbə ome ki məlom nıbıə qrup iyən vırə tərəfo zinə bə Bəğdadi ətrof Amerkə Bələd həvo hərbi baza rəket həmlə be.

Zinə İroni sepah təşkilati Avyasiya ğıvvon fərmondə qeneral Əmir Əli Hacizodə qılə muhimmə xəbə iclosədə təkidış karde ki qeneral Şəhid Ğasım Suleymani xuno intiğom məntəğəku Amerkə ixroc kardeye ki çəy i minə mərhələ de bə İrağədə sepah təşkilati rəket həmləon bino be.