Azərbaycan Respublika parlament səçınədə hakimə partiya səbarzəti.

Azərbaycan Respublika hakim partiya de bəyaniyə elanış karde ki ım partiya, zinə ruji faxti bənav bıə parlament səçınədə səbarz bıə.

Bə Ruyterz aqentiyəti raporti əsos, Yap partiya ım xəbə elan karde bəpeştə, parlamentədə ijən əksəriyət kursion sohib beyku ıştə rizoyəti bəyonış karde.

Çımi bənav yəni parlament səçıni 5-nə dıvrədə həm Azərbaycan Respublika hakim partiya muvəffəğ bıə be ki motləğ sorəti milli məclesi hakim bıbu.

Zinə ruji səçınədə 20 qılə partiya və siyasi qrup iştirok kardedə bin və sədoon 5573 qılə vırə ya xot sədo cəmədə şobədə cəmaətiku səşone.

Imruj həm Azərbaycan Respublika səçın mərkəzi kamissiya elanış karde ki təğribən icozəşon bıə cəmaətiku 47 faiz milli məclesi 6-nə dıvrə səçınədə iştirok kardışon.

Və hol ım ki dəvardə dıvrə iştiroki miğdor 55 faiz elan bıə be.