Benyamin Netanyahu, Ğəzədə bıə muğavimət qruponış bə canq təhdid karde.

Sionist rejimi i minə vəzir Ğəzzə tanqədə bıə muğavimət qrupon bə həmlə təhdidış karde və votışe: əmə bə Ğəzzə həmlə kardero hozzo bıdəmon.

Bə Fars aqentiyəti raporti əsos, Netanyahu bəyonış karde ki ım mıvzo və həmlə barədə çımiku vey bə mediyaon məlumatədə ni.

Netanyahu iddeoş karde ki Amerkə dıvlət de əsri muğavilə plani Fələstinədə İsrail hakımiyəti rəsmi zınəydə.

Isət ımruj xəbə ome ki bə Ğəzzə tanqə sionist rejimi hərbi təyyarə iyən Arti Leriya həmləon bino be.

Ğəzzə tanqə cənub Xanyonos həm ım rejimi tərəfo bombardımon bıə.

Hələ həmləon zərər-ziyon və tələfotiku xəbə muntəşir bə ni.

Tojədən Həmas təşkilati sıxənəvot ijən bə Fələstin muğavimət qrupon miyono bıə vəhdəti əhəmiyyət təkidış karde və votışe: bo İsrail rejimi hakımiyəti təsdiğ karde və sionist rejim və Amerkə xəbisə plan bə nəticə ni bərəse.

Fozi Bəhom təkidış karde: Fələstin millət deştə i bemon və vəhdəti əsri muğavilə məğlob bəkay.

Donald Tramp qıləy pesoxtə bıə plani vasitə pidəş Fələstin sərzəminiku mısılmonon və co əsli sohibon əvəzi Yəhudion hakımiyəti rəsmi təsdiğ ko; ım plani nom əsri muğavilə ğeyd bıə.