Ankara ijən bə Suriyədə Tırkiyə hərbi iştiroki dəvom təkid kardedə.

Tırkiyə mudafiyə vəzir təhidış karde ki bə Suriyə həmləon ciddi reaksiya nışo bədoy.

Bə TRT raporti əsos Tırkiyə mudafiə vəzir ijən təkidış karde ki ım kişvəri hərbiçiyon Edleb ostaniku xaric bıdə nin.

Əmmo Tırkiyə ım təhdidi bəpeştə Suriyə ərtış ğıvvon fərmondəti bəyaniyədə votışe: Tırkiyə anti suriyə həmləon beynəl xalğ ğanuni əks dəvom kardedə və əme hukmən bəy reaksiya nışo bədamon.

Bə Fars aqentiyəti raporti əsos, Suriyə ərtış bəyaniyədə təsdiğ bıə ki deştə ğeyri ğanuni hərəkəton pidəşe Edleb və tələbədə terroriston məğlubiyəti mane bıbu.

Suriyə xarıci vəzarətxonə həm ijən Suriyədə Tırkiyə hərbiçiyon ğeyri ğanuni iştiroki məhkum kardışe və təkidış karde ki Suriyədə terroriston bəji karde xoto Tırkiyə səy və cəhdon məğlub bəbe.

Tırkiyə məvuji Suriyə və muğavimət cəhbə səbarzətionku vey niqəran iyən norohəte.

Xəbə ome çı Suriyə zumandə reaksiyaon vəy qətero İron və Rusiyə koməkonış tələb karde.

Meydonədə həm xəbəon Suriyə və muğavimət hərbiçiyon muvəffəğ əməliyatonku hikayət kardedə.

Isət Hələb ostanədə bıə Suriyə şimol məntəğəku vey ni  terroriston dastiku ozod be.