İraği Hizbullah: muğavimət ğıvvonku Amerkə vey tarsedə.

İraği Hizbullah qrup bə Amerkə tərəfo ım təşkilati rəisi nomi sanksiya siyahiədə ğeyd karde reaksiya nışoş do və elanış karde ki İraği muğavimət ım kişvəriku Amerkə hərbiçiyon ixrac karde ğərolədə sest bıdəni.

İraği Hizbullah qrupi bəyaniyədə təsdiğ be: ım çəmə fəxre ki İrağ və məntəğədə Amerkə ıştə planonbənav barede xoto çı muğavimət və codiku tarsedə.

İraği Hizbullah bə İrağədə anti muğavimət cərəyoni barədə Amerkə pesoxte bıə iddeo işorəş karde və votışe: Amerkə çı İraği muğavimət qruponku vey tarsedə boçi ki əmə Amerkə və Daeşi məğlub kardəmon.

Amerkə maliyə vəzarətxonə zinə şəv bəyaniyədə İraği Hizbullah qrupi lider Əhməd Əlhəmdaviş sanksiya siyahiədə ğeyd karde.

Im qılə holədəy ki İraği Hizbullah qrupi sıxənəvot Cəfər Əlhuseini çand ruj bənav bə İrağiku Amerkə hərbiçiyon ixrac karde xoto muğavimət qrupon planon hozzo bey xəbə doeş be.

İrağədə anti muğavimət və bə Həşduş-şəəbi əleyh Amerkə xəbisə hərəkəton xusosi de Trampi əmri Hac Ğasım Suleymani iyən Əbo Məhdi Əlmuhəndesi terror və şəhid karde bəpeştə məntəğə milləton nifrət Amerkəku vey ziyod bıdə.