Asiya ğərbədə bohran bəpe de məntəğə kişvəron mudiriyət bıbu.

İroni prezident zinə de Ommani kıral telefoni rabitə çərçivədə təkidış karde ki Asiya ğərbədə bohranon həl karde çərçivədə planon bəpe de məntəğə kişvəron vasitə təsdiğ və icra bıbu.

Bə İrib raporti əsos Həsən Ruhani çı Hurmoz tanqə əmniyyəti təmin kardero İron və Ummani miyono həmkarion bə təğdiri loyiğ bə hisobış varde iyən votışe: Hurmoz tanqə çı İron və Ummani tarixi əloğəon jentonədə ijən stabilə vəziyətədə bemande.

İroni prezident bə ım məntəğə əmniyyət və dıyo vasitə bə Yəmən məzlumə milləti komək karde həm təkidış karde.

Əv Koronavirusi rəvoc peydo karde zəmonədə bə beynəl xalğ iyən reqiyonal həmkarion işorə və Tehron Məsğəti miyono bıə təcrubəon vırə bə vırə karde pidəşe.

Ummani kıral həm Rəmezanə manqi dəmə mınosibəti nabə nav təbrik votışe və bə 2 qılə kişvəri miyono ticari həmkarion işorəş karde.

Hisəm Ben Tareğ votışe: Hurmoz tanqədə əmniyyəti oqəteyro həmmə kişvəron bəpe cəhd və həmkari kon.