İraği Nucəba Hərəkot: Amerkə həmmə hərbiçiyon bəpe İraği tərk bıkon.

İraği Nucəba muğavimət hərəkati siyasi şura rəis bə İrağiku həmməy işğalçion xaric bey təkidış karde.

Bə İrna raporti əsos, İrağiku Amerkə bəzi hərbiçion xaric bey xəbə barədə Əli Əl-Əsədi votışe: tosə bə zəmon ki İrağiku həmməy hərbiçion xaric nıbon jığonə ğərolon İraği steratejik siyasətonədə təsir və vırəş ni.

İraği Nucəba muğavimət hərəkati siyasi şura rəis bə İrağədə işğalçion işteraki bəzion tərəfo bəyon bıə tovcihon işarə və təkidış karde: həğiğəti mahiyyəti əvəz karde imkanış ni boçi ki İrağədə Amerkə işğal və cinoyəton ojə-oşko məlomin.

Əl-Əsədi təkidış karde ki İrağıjon hiç faxt ıştə həxi oqəteyku ojiz nin ta jığo işğalçion dıştə əsqəron miğdori kam karde vositə bə çəmə sə minnət bınən.

Amerkə mudafiyə vəzarətxonə tojədən elanış karde ki tosə Yanvarə manqi 15 İraq və Əfğanistonədə Amerkə hərbiçion miğdor kam iyən bə 2500 nəfər bərəse.

Jığo votey bıdə ki İrağədə Amerkə hərbion miğdor 3000 nəfərin.