Tırkiyə bə Suriyə qıləy kırdə məntəğəon həmləş karde.

Tırkiyə qıləy hərbi ğırəkə təyyorəon zinə bə Suriyə kırd demokratik ğıvvon həmləş karde.

Bə Fransə aqentiyəti raporti əsos, Suriyə bəşər həxon diyə əkə qrupi tojə raportədə ğeyd be ki bə Tırkiyə ərtışi vabəstə bıə qıləy hərbi ğırəkə təyyorə zinə şəv Rəğğə ostani şimol, Eyn İsa məntəğə ətrofədə bə Suriyə kırd demokratik ğıvvon həmləş karde.

Raporti dəvomədə ijən təsdiğ bıə ki dəvardə 17 manqi mıddətədə bə Suriyə kırd demokratik ğıvvon zidd ım çı Tırkiyə i minnə həmlə be.

Tırkiyə ərtış de terrorizm mubarizə barde bəhonə, Suriyə şimol bəzi məntəğəon işğalış kardə, jəğo ki ım kişvəri vey hərbiçion ijən Suriyədən və bə ım kişvəri təcavuz karde məşğulin.

Tırkiyə bə Suriyə təcavuz de Suriyə dıvlət iyən umum ıştimaiyəti muxalifəton əncom bıə.