18 qılə Fələstinıj sionist rejimi vositə şəhid bıən.

Ğuds nomo bıə təhğiğ mərkəz elanış karde ki miladi 2021-ə soriku tosə bə ısət 18 qələ Fələstinıj de sionist rejimi həmləon vositə şəhid bıən.

Bə Əlyəom mərkəzi raporti əsos, Fəğət Martə manqədə 5 nəfər Fələstinıj həminə həmlə və təcavuzi nəticədə şəhid bıən.

Im raportədə təsdiğ bıə ki şəhidonku 2 nəfər sionist rejimi zindononədə məhbusonin və 3 nəfər moyəvon ki Ğəzzə dıyo kənoədə de sioniston qullə vositə şəhid bıən.

Im mərkəz bəyodış varde ki sioniston, miladi 2021-ə sori ku tosə bə ısət de canqi qulləon və ars ru kardə qazi, bə Fələstinıjon həmlə kardəşone ki ım hucum həm çand nəfər çı Fələstinıjon şəhodəti bois bıə.

Sioniston bəştə təcavuzkaranə hədəfon dast peydo karde xoto hər ruj bə Fələstini muxtəlif vırəon həmlə kardeydən və de pesoxtə bıə bəhonəon əvoni şəhid, zəxmin və ya xod dastqir kardeydən.