Suriyə şimolədə Tırkiyə təcavuz dəvom kardedə.

Tırkiyə mudafiyə vəzorətxonə Suriyə şimolədə bıə Tırkiyə hərbi əməliyaton nəticədə 6 nəfər çı PKK qurupi uzvon kıştə beyku xəbəş do.

Bə İrib raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki Suriyə şimolədə de PKK qrupi mubarizə barde əməliyoton cərəyonədə təğribən 6 nəfər çı PKK qurupi uzvon kıştə bıən.

Bəyoniyə dəvomədə ğeyd bıə: Tırkiyə hərbiçion muvəffəğ bıən PKK terrorçion təcavuzi vəy ğəteyro de hərbi əməliyoton vositə ın qurupi uzvon vədə mane bıbun.

Suriyə iyən İraği şimolədə çı Tırkiyə anti PKK əməliyaton məntəğəku Kırdon diyə ro və pok karde xoto bino bıə iyən həmçenan dəvom kardedə.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.

40 sor bəbe ki Tırkiyə iyən PKK qurupi miyono daveon dəvom kardedə.