Tırkiyə beğanunə həmləon bə Suriyə dəvom kardedə.

Tırkiyə mudafiyə vəzorətxonə Suriyədə bıə hərbi əməliyaton nəticədə 7 nəfər çı PKK qurupi uzvon kıştə beyku xəbəş do.

Bə TRT raporti əsos, Tırkiyə mudafiyə vəzorətxonə, de qıləy bəyoniyə sadir karde vositə, elanış karde ki Suriyə şimolədə de PKK qrupi mubarizə barde hərbi əməliyoton cərəyonədə 7 nəfər çı PKK iyən YPG qurupi uzvon kıştə bıən.

Tırkiyə mudafiyə vəzorətxonə ıştə bəyoniyə dəvomədə təkidış kardə ki ın həmləon ijən dəvom peydo bəkarde.

Bə Suriyə iyən İrağədə bıə PKK qrupi uzvon Tırkiyə həmləon qıləy şərayetədə dəvom kardedə ki ın 2 qılə kişvəri rəsmi şəxson vey kərə həminə həmləon məhkum kardəşone və çəy dəvomi bənə beynəlxalğ ğanun iyən milləton ərazi təmamiyət və hakımiyəti poymol karde nımonə bə hisob vardəşone.