Lavrov Imruj de Suriyə devləti muxalifə qrupon mulağat bəkay.
Rusiyə xarıci vəzir ımruj de Suriyə devləti muxalifə silohinə qrupon mulağat bəkarde ta çı Astanə sulh muzakirəon nəticə ijən votımonon dəvom doe barədə həmkarion zəminə huzzı bıkə.
Bə Rusiyə İtarts aqentəti raporti əsos Lavrov çimiku bənav elan kardə be ki, Suriyə həmməy muxalifə silohinə ğıvvon və qrupon ımrujnə muzakirəonədə iştirak karde xoto dəvət bən.
Rusiyə xarıci vəzir həmçınin elanış kardə: bə çəy xoto ki həmməy silohinə muxalifə qrupon Astana muzakiron və Suriyədə sulhi barədə çı Rusiyə, İron və Turkiyə ciddiyə cəhdonku xatırcəm bıbun, həmməy siyasi muxalifon dəvət bən ta Maskva iclosədə iştirakışon bıbu.
Suriyədə muğavımət cəhbə səbarzətion ijən Astanədə sulh muzakirəon muvaffəğiyət, ısət Suriyə vəziyəti stabil və orom kardeyro zəminəon boys be.