Ərəbıstonədə şiə ənışətə diyon xərob kardedən.

Ərəbıstoni rəsmion çın kişvəri şərğ məntəğəonədə qıləy şiə ənıştə tarixiyə di xərob karde binoşon kardə.

Bə Əlaləm raporti əsos Yanvari 29 rujiku, Səudi Ərəbistoni rəsmion de zu və zخlimonə hərəkəton, bo Əlməsurə di xərob kardero şiəyon kə və zəminon mısodirə və işğal kardedən və hol ım ki, ım 400 sor tarıxış bıə diyədə bə 2000 nezi şiə cəmaət jimon kardedən.

Ərəbistoni məmuron hətto di teili kardero məntəğə ov və elektriki həm ğət kardəşonə.

Ğətif məntəğədə bıə Əlməsurə di əholi, bə kə və zəminon əvəzi kamə puli sıə işorəşon kardə və voteşon ki, Alisəudi əmniyəti məmuron de məntəğə dion bə inkişof barədə ijən jimoni vəziyəti çok karde bəhonə fəğırə odəmonku çəvon kəon hıryəşone.

Ərəbistonədə demokratiya bərğəror karde sahədə qıləy fəalə şəxs, Huseyn Əbdullah tojədən çı Ərəbistoni rəsmion ım hərəkəti çəvon be xəbə mande mədəni və tarixiyə vırəonku zınəş be və voteşe: Ali-səud rejimi tarixədə bənə jıqonə tarixiyə vırəon xərobə karde pure.

Çanə Avropavıjə insoniyə həxon təşkilaton həm bə Ərəbistoni rəsmion ım ğəror tənğidışon kardə və bə şiəyon əleyh deşmənçiyə hərəkəton bə kəno noe pidəşone. Ərabiston sosiyal şəbəkəonədə həm ım ğəror çandə reaksiyaon boyis be.

Bə Ərəbistoni milliyə irson və turizm kamissiya elani əsos, bənə Əlməsurə tarixiyə dion bəpe xərob məbon, boçi ki tarixiyə vırəon oqəte lozime.